MaMiNet

 找回密码
 注册
搜索
查看: 1304|回复: 0

專家教航拍鳥瞰南生圍

[复制链接]

该用户从未签到

发表于 15-3-2014 09:12:23 | 显示全部楼层 |阅读模式
專家教航拍鳥瞰南生圍


最近有貨船喺長洲海面擱淺,成為影友們的新景點,香港團隊HK URBEX甚至帶埋新興「航拍」玩意,遙控DJI Phantom 2 Vision飛行攝錄器,從高空俯瞰呢艘「長洲鐵達尼」,仲整埋條片擺上網博Like。究竟點樣拍出蔚為奇觀嘅空中片段?今次一於請專家教路,深入影友熱點玩「航拍」,感受不一樣的鳥瞰景色。

電視掀起航拍熱潮

航拍又稱為空拍、空中攝影或航空攝影,以前想玩動輒要出動直升機飛上天,依家用Phantom 2 Vision便可遙控拍攝,成本一萬元有找,而且備有1,080p全高清影片質素之餘,仲可拍攝1,400萬像素相片,比租用直升機抵玩得多。DJI香港代理的產品專家Benny指出:「香港之所以興起航拍,其實有賴之前《三個小生去旅行》電視節目,試玩上代DJI Phantom拍攝影片和花絮,令更多人想體驗航拍樂趣。」


從天空飛越山貝河

今次去到南生圍玩Phantom 2 Vision,模特兒用咗10分鐘就掌握到基本操作技巧,遙控器的左邊操控桿用作上升和水平自轉,而右邊操控桿則控制前後左右移動,最正係可以夾住智能手機,透過《DJI Vision》App實時觀看鏡頭畫面,眼見佢飛上天望到成個南生圍景觀,再慢慢橫越山貝河,飛過去對面的元朗工業邨,真係航拍先至做到。不過起飛容易降落難,試玩咗幾次都經常一下子衝落地面,整體感覺似打緊機多啲!
四軸螺旋槳可加上保護罩,咁就唔怕撞親人啦!
若果打算拍高清片,便要準備Class 10的高速microSD卡。
鏡頭的防震系統只支援垂直修正,若遇上強風,畫面一樣會震。


超越範圍自動返航

如果大家諗住Phantom 2 Vision好似遙控飛機咁可以玩花式,就大錯特錯啦!皆因飛行器以穩定和安全為先,Benny解釋:「就算玩緊時完全放手,進入無人駕駛狀態,飛行器都會自動懸浮於空中,確保唔會因失控而炒機。」講到最巴閉嘅地方係內置GPS自動返航功能,它於起飛時當接收到6個衞星或以上訊號(最多10個),如飛到超越300米接收範圍,便會自動返回起飛位置。
《DJI Vision》App能操控影相拍片、調校鏡頭角度及顯示距離等資訊。
DJI香港代理、ECT產品經理Benny表示,一般人學10~15分鐘就識玩Phantom 2 Vision。
DJI的遙控器利用RF連接飛行器,上方可夾實智能手機實時預覽鏡頭畫面。


垂直修正畫面搖晃

玩得遙控機,都會揀空曠人少嘅地方,但這些地方難免會遇上強風,Benny續道:「若然在無風環境下飛行,飛得高會較有利,事關愈貼近地面,愈容易遇上熱氣流,相反在高空無風帶會比較穩定。即使遇上強風,飛行器的鏡頭會因應機身擺動而進行垂直修正,減輕畫面搖晃;由於做唔到左右修正,所以喺4級風力以上或者有雨環境就唔建議玩。」香港在航空管制下,基本上於機場及航道附近都唔畀玩遙控機,幸好本地仲有不少值得拍攝嘅靚景,Benny除了推薦南生圍外,西貢一帶如大坳門、西沙、萬宜水庫等都適合玩航拍。


「長洲鐵達尼」後製減震

「長洲鐵達尼」短片近日被網友熱捧,拍攝者之一、HK URBEX成員Edwin表示:「當日利用Phantom 2 Vision玩航拍,海上其實都幾大風,而且移動時有少少震,所以我哋透過後製的數碼防震,為畫面進行加工,將四邊少少Crop走,以達至穩定效果。」很多遙控飛行器的續航力都好短,相比之下Phantom 2 Vision較為優勝。「我哋好多個Shot都唔係一Take過,要NG好多次,所以事前準備咗4枚電池,每枚大約可玩到20~25分鐘,加埋都可以拍個幾鐘。」


其他飛行器選擇

市面上不乏用於航拍的遙控飛行器,好似Parrot AR.Drone 2.0支援Wi-Fi遙控影相及攝錄,雖然售價比Phantom 2 Vision平上一截,但其拍片只有720p畫質,而且鏡頭視角得92度,相對冇咁Wide。


航拍小貼士:影景篇:Top Shot角度
影人需要飛得好近先睇到個樣,建議先於螺旋槳加裝保護罩,取景時應該於正上方Top Shot拍攝,若果以45度角向下影人,便缺乏航拍俯視的效果。

影人篇:Top Shot角度
影人需要飛得好近先睇到個樣,建議先於螺旋槳加裝保護罩,取景時應該於正上方Top Shot拍攝,若果以45度角向下影人,便缺乏航拍俯視的效果。


on.cc
15/03/2014


回复

使用道具 举报

您需要登录后才可以回帖 登录 | 注册

本版积分规则

MaMiNet

GMT+8, 18-2-2018 14:50 , Processed in 0.080112 second(s), 26 queries .

Powered by Discuz! X3

© 2001-2013 Comsenz Inc.

快速回复 返回顶部 返回列表